Қателік
  • Материал табылмады
Бейсенбі, 17 Тамыз 2017 14:48

Отырартөбе

| Автор:  
Материалға баға беріңіз
(3 дауыс)

Отырартөбе — талай тарих пен сырды ішіне бүгіп жатыр. Тарихтан білетініміздей, алғашқы қала қонысы біздің дәуірімізге дейінгі II ғасырға жатады. 737-748 жылдары Қаңлы-Тарабанды арабтар жаулап алады. Сол кезде ғылым мен мәдениеттің орталығына айналған. Ал Қарахандар әулеті билік құрған заманда, яғни, ХІ-ХІІІ ғасырларда қала өсіп-өркендеген. Өкініштісі сол, гүлденген қаланы Шыңғысханның үлкен ұлы Жошы бастаған моңғол әскерлері 6 ай бойы қоршап, кейін қиратылып, біраз уақытқа құлдырайды. XII ғасырдың ортасында қайтадан ірі сауда орталығына айналып, XVIII ғасырдың ортасына дейін жалғасады.

Ал Отырардағы алғашқы қазба жұмыстарын 1904 жылы түркістандық археология әуесқойлары үйірмесінің мүшелері А.К. Кларе мен А.А. Черкасов жүргізген екен. 1991 жылдан бері қазба жұмыстарын К.М.Байпақов басқарады. 2001 жылы ЮНЕСКО-Қазақстан-Жапония бастауымен «Ежелгі Отырар қалажұртын консервациялау жэне сақтау» Қорының халықаралық жобасы жұмысын бастады. Жоба барысында Отырар қаласының орнында аршылған тарихи орындарды қайта қалпына келтіру жұмыстары қолға алынған.

 

Бүгінде Отырартөбеге еліміздің түкпір- түкпірінен, шетелден қонақтар жиі келеді. Тарихи деректерге қанығады. Оқушылардың да патриоттық сезімін ояту үшін, білім көкжиектерін кеңейту үшін жиі экскурсия ұйымдастырылады.

— Мұхтар Шаханов ағамыздың «Отырар» поэмасын қызыға оқыдым. Сосын тарихи орынды өз көзіммен көруге құмарттым. Енді, міне, сыныбымызбен Отырартөбені көруге келіп тұрмыз. Ұстазымыз бұл тарихи жер туралы көптеген құнды мәліметтер айтты. Енді оны басқа жақтағы достарыма айтып бергенше асықпын, — дейді экскурсияға қатысқан Рақымжан.

Оқылды: 83662 рет Соңғы рет өзгертілді: Дүйсенбі, 11 Маусым 2018 15:19

Келесі автордың соңғы жариялағандары: Danishpan сайты (admin)